لخبطيته

الى شاف البوست بتاعى فى مدونتى الرئيسيه بطوط حبوب الى كنت بقول فيه اهم حاجه العملى هيفهمنى اكتر والى مشفهوش هيفنى برضه لان كلامى هيكون واضح

المهم الى عايز اتكلم عنه هو اختلاط الغايه بالوسيله

اه احيانا احنا بنخلط ما هو غايه بما هو وسيله لتحقيق هذه الغايه

لو جينا مثلا لعندنا فى الكليه

الغايه انك تتخرج دكتور كويس شاطر صح؟؟

الوسيله انك تذاكر عشان تنجح

لما تتحول الوسيله دى -النجاح كل سنه- لغايه تبقى مصيبه

لانك ببساطه هتدور على اسهل الطرق للوصول للنجاح والى هى هتكون مثلا انك تهتهم بالعملى لو ده اسهل لك او تهتم بالنظرى المهم مش هتمسك الموضوع كله هتدور بس على اسهل الطرق للوصول للنجاح منها انك هتذاكر ليله الامتحان

وممكن كمان تذاكر وتذاكر كويس جدا وتهتم بالعملى والحوار ده بس لان دى الغايه عندك فهتنتهى بعد خروجك من الامتحان وده بيحصل..

تلاقى نفسك بعد الامتحان بخيت الكلام الى تعرفه ونسيته وخلاص وكفى الله المؤمنين القتال

اختلاط الغايه بالوسيله بيأثر بالضروره على النتيجه المطلوبه مننا -الى فى المثال انك تبقى دكتور شاطر طب ده بيحصل فى ايه تانى

هتكلم عن مثالين وكل مثال موجه لفئه معينه فى دماغى فلو لقيت المثال مش شغال معاك روح للتانى لو الاتنين مش شغالين خليك فى حكايه الدراسه اوك؟؟!!

-----------------------------------

اعوذ بالله من الشيطان الرجيم

(((الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلَاةَ وَآَتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الْأُمُورِ ))))

طب نفهم ايه - بالمناسبه انا لا اتكلم فى التفسير من دماغى انا انقل باسلوبى فقط

الغايه مش التمكين فى الارض

الغايه ان تقام الصلاه فى الارض وتؤتى الزكاه ويأمر بالمعروف وينهى عن المنكر

اه ده مش هيحصل بالشكل المثالى الا لما يُِمكن للمسلمين فى الارض بس لازم نعرف ان المطلوب هو مش التمكين انما المطلوب اقامه الشرائع

حد يقولى الفرق فين

الفرق كبير اوى اوى

الى بيدور على التمكين فى الارض تجده يسعى له بكل طريق تحالفات مع العلمانين شغال تحالفات مع افكار هو كرجل يدعى انه يريد فكر اسلامى متعارضه معاه كليا وكتبه تنضح بالرد على هذه الافكار تجده يقدم تنازلات فى قضايا لا تقبل منه التنازل اصلا ولكن هو بيقول انها فتاوى سياسيه - والله سمعتها منه كده واحد صاحبى محدش يفهم غلط

انما الى بيدور على اقامه الصلاه واتاء الزكاء والامر بالمعروف والنهى عن المنكر

بيربى شباب على العقيده الصحيحه ويربى المجتمع على الاسلام الذى يريده الله من العباد يقوم لو ربى الناس وربنا كتب له التمكين يقدر يقيم الصلاه ويؤتى الزكاه لان الناس متربيه على الافكار دى

-----------------------------------

المثال التانى الاضراب

الى افهمه ان الاضراب مش هدف فى حد ذاته بس هو وسيله لهدف

الهدف اما اسقاط نظام الحكم - والله شفتها فى مدونات كتير كده- طب لو هو ده الهدف الى اعرفه والله اعلم ان اى حد عايز يسقط

نظام الحكم لازم يكون لهم قائد لما تنجح المظاهره يقوم القائد ده يحكم زى غاندى وزى الخمينى فى ايران

انما نسقط نظام الحكم وبعدين ندور على حد طب افرض الحد ده اسوء مليون مره من الى موجود

يعنى طالما بنقول اسقاط نظام الحكم يبقى لازم يكون فى قائد له حب فى قلوب الجماهير وعارفين انه اجل ابن ناس نقوم نسقطده ونحط ده

طب لو قلنا ان الهف كان ان الحكومه تعرف اننا مخنوقين ومش طايقين نفسنا وان الاسعار المولعه دى هتموتنا

اوك ماشى حقنا نعمل كده بس برضه لازم تكون مطالبنا واضحه

يعنى الحكومه ترخص الاسعار عن طريق اهنا تمنع التصدير او اى مطالب ليها علاقه بالموضوع مش رخصى الاسعار وخلاص وعلى المرتبات وخلاص هو كده

ومحدش يقولى احنا اغنى دوله فى العالم بس بنتسرق

لان متصور ان المطالبه بعدم السرقه مطالبه ساذجه لان محدش حرامى هيبطل سرقه لانك بتقول له انا اطالبك بعدم السرقه انما ممكن

نفضحه لما نتأكد واظن كده ان ده حل

على العموم ده نموذج اجابتى عن الموضوع ده انت ايه نموذج اجابتك؟؟

نموذج اجابه

فى حوار لى مع بعض اصدقائى - على هامش احداث غزه- كان يتضح من حوارانا معا اننا نفتقد لنموذج اجابه نحتكم له ..لطوال ساعه كل منا يغير رأيه ويقول لا...... اظن ان هذا الرأى فعلا اكثر - الاراء التى تناقشناها- صحه لطوال ساعه لا نستخدم الا هذه الكلمات ربما .. واحتمال .. واظن .. وليس اكيد حتى بعض القضايا الاخرى .. التى لابد ان يكون لها نموذج اجابه فى عقلنا لانها باختصار تمسنا بطريقه مباشره ....لم نجد لها نموذج اجابه هى ايضا امثال مصطلحات الفوضى الخلاقه .. والاضرابات .. وتقرير الانسان مصيره بنفسه قضايا من امثال هل المعارضه تبحث عن مصلحتها ام مصلحه الشعب .. ام ان المصالح مشتركه هل الاخوان المسلمين معارضه كاى معارضه؟؟ ام هم افضل ؟؟ اسوء ؟؟ ام على الاقل يبحثون عن مصالحهم هم كيف الخروج من الازمه الراهنه ؟؟ ربما نكون وصلنا فى بعض الاحيان الى قوله تعالى على حكايه عن موسى علي السلام لما قال لبنى اسرائيل (( استيعنوا بالله واصبروا ان الارض لله يورثها من يشاء من عباده )) هذه المدونه سوف اتكلم فيها عن نموذج اجابتى انا عن بعض القضايا التى ليس لها نموذج اجابه معين نستطيع ان نقيس عليه من اصاب ومن اخطأ رغم ان كثير من القضايا اظن ان لها نموذج اجابه او على الاقل وصلت فيها لاقتناع تام ان هذه هى الاجابه