ويبقوا لزمتهم ايه؟؟

مهو كده ميبقاش ليهم لزمه بصراحه خالص ... واساسا هم كده يبقوا مصدعين دماغنا ودماغهم على الفاضى

بس الكلام ده مش منطقى برضه .. يعنى هم ضيعوا اعمارهم عشان يوصلولنا - علمهم- وفى الاخر يطلع كل ده ملوش لزمه

طب مهم اكيد كانوا عارفين يعنى.... ليه بقى قرفوا نفسهم؟؟!!!

بصوا الموضوع عشان يظهر هبدأ بالحديث المشهور جدا ... والى الناس بترويه بالمعنى احيانا .. المهم الحديث ده فهم الناس له الغلط مسبب مشاكل كتييييييييييره جدا
عن وابصة بن معبد رضي الله عنه قال رأيت رسول الله صلى الله عليه وسلم وأنا أريد أن لا أدع شيئا من البر والإثم إلا سألت عنه فقال لي ادن يا وابصة
 فدنوت منه حتى مست ركبتي ركبته فقال لي يا وابصة أخبرك عما جئت تسأل عنه
 قلت يا رسول الله أخبرني قال جئت تسأل عن البر والإثم قلت نعم فجمع أصابعه الثلاث فجعل ينكت بها في صدري ويقول يا وابصة استفت قلبك والبر ما اطمأنت إليه النفس واطمأن إليه القلب والإثم ما حاك في القلب وتردد في الصدر وإن أفتاك الناس وأفتوك
 رواه أحمد بإسناد حسن
المشكله بقى ان فى ناس بتاخد - بفهمها هى - الحديث ده وتلاقيها وقعت فى مشكله تانيه
اعوذ بالله من الشيطان الرجيم
 وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى (40) فَإِنَّ الْجَنَّةَ هِيَ الْمَأْوَى (41)
النجم
وايضا فى
 يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُمْ بَيْنَ النَّاسِ بِالْحَقِّ وَلَا تَتَّبِعِ الْهَوَى فَيُضِلَّكَ عَنْ سَبِيلِ اللَّهِ إِنَّ الَّذِينَ يَضِلُّونَ عَنْ سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ (26)
ص
ازاى بقى تستفت قلبك  وفى نفس الوقت متبقاش متبع لهواك ...ومتنساش ربنا قال .. ولا تتبع الهوى فيضلك عن سبيل الله

الحديث موجود فى جامع العلوم والحكم... لابن رجب
ابن رجب بقى شرح الحديث  وجمع طرقه وزيادات الطرق والحوارات دى كلها المهم بقى فى الاخر وصل لايه
ان المسائل على حالتين
مسأله فيها نص ... دى بقى ليس للمؤمن فيها الا السمع والطاعه .. ولا عبره لما يقع فى قلبه .. وان كان المؤمنين الحق يجدوا انشراح فى الصدر عندما يجدوا نص
انما فى كل الاحوال قلبهم انشرح .. منشرحش .. طالما فى نص خلاص 
قال تعالى (وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَنْ يَكُونَ لَهُمُ الْخِيَرَةُ مِنْ أَمْرِهِمْ) [الأحزاب:36].
أما المسائل التي لم يرد فيها نص عن الله  أو عن الرسول او  عن الصحابة وسلف الأمة ، وأفتى فيها أكثر من واحد ولم تتفق أقوالهم،
هنا بقى نقول ان المؤمن الى قلبه مطمئن بالايمان ... يستفت قلبه ولا ينسى حديث الرسول صلى الله عليه وسلم "دع ما يريبك إلى ما لا يريبك". رواه الترمذي والنسائي

اصل انت بتلاقى واحد .. لا عمره فتح كتاب شرعى ولا سأل عالم  عن حكم شرعى.. بيعمل بلازى سوده
تيجى تكلمه يقولك .. استفت قلبك
يا عم انت فى نص فى الموضوع ده
يقولك لا انا مش مقتنع ... وبصراحه مش شايف فيها حاجه يعنى .. وليه اساسا؟؟
يا سيدنا هو ايه الى ليه؟؟ بقولك فى نص .. نص  اشرحهالك ازاى يعنى
المهم يفضل يقولك وان افتوك وافتوك 

او واحد تانى اقوله رأى جماهير اهل العلم على كذا .. والرأى التانى رأى شاذ اصلا .. 
تلاقيه يقولك  استفت قلبك
بقولك يا مولانا .. جمااااااااااااااااهير اهل العلم 
ماشى برضه الرأى التانى موجود
مهو حضرتك .. انا بقولك الرأى التانى ده مخالف لجماهيييييييييير اهل العلم
يفضل يقولك وان افتوك وافتوك وافتوك

يااااااارب اكون وصلت المعنى الى كنت عايز اقوله 
وفاضل معنى تانى
عشان نفهم القران .. او نفهم السنه .. لازم نلتزم بفهم الصحابه والتابعين
  عن ابن مسعود رضي الله عنه يقول: [ من كان مستناً فليستن بمن مات؛ فإن الحي لا تؤمن عليه الفتنة ]

ده نموذج اجابتى منتظر اشوف اجابتكم

هناك 17 تعليقًا:

نعكشة يقول...

طيب سؤال يطرح نفسه
لو واحد ميعرفش علم شرعي
وعايز يعرف إذا كان فيه نص ولا مفيش يعمل اية
يعني مثلا لما بعمل سرش علي جوجل بيطلعلي أراء مختلفة كتير في موضوع معين

أعمل أنا إية؟؟؟؟؟؟؟؟

طيب هل حضرتك تعرف موقع كويس ممكن اسئلة في الفتاوى و الحاجات دية؟؟؟

معلش كلامي مش في صلب الموضوع
بس كلام حضرتك اثار عندي النقطة دية
نظراً لأني معنديش شيخ معين اخد منه العلم
ولا شيخة يعني

المهم
جزاك الله خيراً

سلام

Wael يقول...

اعتقد - ردا على سؤال " نعكشة " بعد اذن د.بطوط طبعا - ان ده يعتمد على مستوى العلم الشرعى للسائل نفسه

بمعنى , ان لو فرد عنده من العلم الشرعى قدر كبير يساعده على الاطلاع فى الكتب او الانترنت الموثق اوالكتب الالكترونية الموثقة , كان بها , لعدم الخوف من حصول لبس .

اما لو كان الفرد على قدر بسيط من العلم الشرعى فاعتقد انه لازم يتجه لعالم ثقة - عالم ثقة أكرر - ومتخصص ايضا , فلو كان سؤاله فى الحديث يتجه لعالم حديث , ولو سؤاله بخصوص حكم شرعى يتجه لعالم فقه وهكذا .

وطبعا دار الافتاء مفتوحة وارقامها معروفة , وسبل العلماء الصوتيه مفتوحة برضو سواء الشخصية او الاعلامية والحمد لله . المهم انه يكون عالم ثقة ومتخصص ومعتدل .

اما الانترنت , فبصراحة لا احبذ ابدا البحث عن تلك النصوص الاحكام الشرعيه عن طريق الانترنت لمن لديه قدر بسيط من العلم الشرعى ويكون غير ملم بأوجه الموضوع من كل الزوايا ( حديث و فقه و تفسير واسباب نزول وعرف وقياس و .. و .. و .. اشياء كثيرة )

* * * * *

اما موضوع البوست نفسه فليس لى رد نظرا لانى مازلت معترض على مبدأ وأسلوب وطريقة الطرح .

زوج مخنوق يقول...

د بطوط
انا اول مرة ادخل المدونة الجديدة
و لو اني دخلت المدونة القديمة كتير
مبروك على الجديدة
و ربنا يعينك و يكرمك
متفق معاك شكلا و موضوعا في البوست ده
بصراحة
عداك العيب و أزح ( هو يعني ايه أزح ؟؟ ما علينا )
الناس بتحلل الحرام اللى فيه نصوص و يقولك أصلي مش مقتنع
كان فاضل حتة صغنونة استنيت اقراها عندك
أن الدين يؤخذ بالنقل مش بالعقل
يعني مش اللى مش مقتنع إن شاء الله ما عنك اقتنعت
دي دين و في نص
يبقى زي ما قال شيخنا أبو أسحاق
قولوا سمعنا و أطعنا حتى لو ما انتش طايق المسألة

تحياتي و ربنا يجعله في ميزان حسناتك

زوج مخنوق يقول...

بالنسبة للأخت نعكشة ده بعد إذن دكتور محمود
في مواقع كويسة جدا و ثقة في الفتاوي بتبعتلهم الفتوى اللى عندك و هما بيردوا عليكي سواء في الايميل او على الموقع نفسه

زي موقع الشيخ ابو اسحاق
http://www.al-heweny.com
موقع الشيخ محمد حسان
http://www.mohamedhassan.org/
موقع اسلام واي
www.islamway.com

دكتور محمود لو حضرتك معترض على الكومنت ده و مسحته انا مش هأزعل
ده حقك و دي مدونتك
بس انا حبيت افيد باللي عندي

بطوط حبوب يقول...

نعكشه
=====

انا بطرح الموضوع عشان اقول حاجه بسيطه جدا

لو فى نص لازم نحترمه
لو فى رأى العلماء اغلبهم عليه يبقى لازم نحترمه

اجابه سؤال حضرتك الاخوه استفاضوا فى الرد عليه
رقم دار الافتاء 107
بس برضه لو سألتى وجالك نص عكس الفتوى مثلا المفروض لما تسألى تقولى للى بتسأليه طب والنص الفلانى وهم يجمع بين الاقوال

ولا يكلف الله نفسا الا وسعها

يعنى تعملى ما بوسعك وربنا يكرمك يااااااااارب

بطوط حبوب يقول...

د وائل
======

المعترض على طرح الموضوع بالطريقه العاميه وبصيغه سؤال
انا وضحت لحضرتك وجه نظرى

متفق مع حضرتك جدا ولازم الواحد يعرف ان دينه دا غالى

ان هذا الامر دين انظروا عمن تأخذون دينكم

بطوط حبوب يقول...

زوج مخنوق
*=======

شكر للرد على نعكشه وكلام حضرتك متفقين عليه

والجمله الى حضرتك ضفتها انا بدور حواليها

شكرا للمرور الكريم وربنا ينفعنا بما علمنا ويزيدنا علما

غير معرف يقول...

««((¯`·«AhMed•3LaM»·´¯))»»

انا مع رأي الجمهور
وان وجد راي اخر يتوافق ويقبله العقل ولا يعترض مع نص مفيش مانع اقبله
عادي يعني

الموضوع ده يعتبر تكمله للموضوع السابق اختلاف المذاهب واراء العلماء

وبالمره اقولك ان اختلافهم رحمه وتخفيف

صحيح هما مختلفوش عشان يرحمونا
او مكنوش يقصدو الخلاف عشان خاطر عيونا
بس اختلافهم الي كان رحمه لينا
وذالك لاختلاف ادلة كلا منهم

يعني مثلا واحد شاف الرسول يتوضئ
ومسح كل راسه
والتاني شاف انه عليه الصلاة والسلام
مسح بعض رأسه

يعني لو واحد مكسل ولا حاجه مفيش مانع يمسع بعض رأسه في الوضؤ

بطوط حبوب يقول...

الاخ غير معروف

يعنى مع الدليل ... محترمين فهم العلماء

لعلمك متفقين جدا لو انا كنت فاهم صح

shaimaa samir يقول...

السلام عليكم
اسال الله النفع من هذةالمدونة وجعلها فى ميزان حسناتك

الامر كما اوضحت
ان هناك امران
اما نص قاطع
او اختلاف اراء
وهذا الحديث يدور محوره فى النقطة الثانية الا وهى اختلاف الفقهاء

حديث استفت قلبك
انا دوما اقول
ان ضمنت انك تحمل فطرة سليمة
وعلم نافع
وفهم
من يرد الله به خيرا يفقهه فى الدين
اذن توكل على الله واستفت قلبك
ولكن كيف تستفتيه وعليه من الذنوب والمعاصى والاهواء؟؟

وبرضو قبل الاستفتاء
يكون البحث والتدقيق بين الاراء
حتى نصل نصل للحق
ولا ننسى
الشبهات
ومفاسدها

والله نسال ان يجعلنا ممن يتقونها

جزاكم الله خيرا

shabfa2re يقول...

beeeep beeeep
happy eiiiiiid

مؤمنه يقول...

السلام عليكم ورحمة الله وبركاته
جزاك الله كل خير على الفهم الصحيح الذى قدمته لنا
فعلا فى هذا الموضوع نجد اشكاليه بس اعتقد الدافع هو الرغبه فى عدم ارهاق النفس بالبحث عن الصواب او اعطاء مبرر لعمل ما تمليه علينا الاهواء
مدونه خفيفه مش تقيله ولا حاجه
اصل الدنيا مش كلها فرفشه
دومت بخير
والسلام عليكم ورحمة الله وبركاته

love for ever يقول...

والله يابطوط الموضوع محير بين النقل والعقل لكن طالما في نص يبقى الموضوع محسوم اما لو مافيش نص يبقى انتم أعلم بشؤن دنياكم ان كان أمر دنيا او ان لم يكن فرأي أولي العلم منا وان لم يكن فاستفتي قلبك

بنت أنصاري يقول...

جزاك الله خيرا في الموضوع الرائعة
أضيف تعليقا
قال الرسول صلى الله عليه وسلم
(البر حسن الخلق والإثم ما حاك في صدرك وكرهت أن يطلع عليه الناس)

شمس النهار يقول...

ياريس الموضوع بسيط الحديث كانرد علي مين
علي صحاااااااااابي

الرسول بيقول لصحابي استفتي قلبك

مش لذكي سوكا
ولا تامر حسني

ده صحااااااابي ياناس

في احاديث للخاصة واحاديث للعامه اللي زينا اللي بيصلوا ركعتين مشكوك فيهم علي راي عمر عبد الكافي

حتي القارن برضه في حاجات بتخاطب الناس كلها
وفي بيخاطب المسلمين
وفي بيخاطب المؤمنين

وفي بيخاطب الرسول المصطفي
وفي لزوجاته

انا مش بحب اتكلم في الدين علشان انا مش متخصصه
بس في حاجات بتتعبني
وانا شايله المراره

واحده لابسه قالع ماتفهم الله واعلم بيها ممكن تبقا احسن مني
ماعلينا
تقول لك والسيجارة في بقها اصلي استفتيت قلبي ياماما

اقول لها ايه دي بقا

ده القرار اللي طلع لها من هذا الاستفتاء
والا استفتاء الرياسه اصلا
ماعلينا

معلش طولت عليك ياريس

قصدي يادكتور

سلامي

دنيا....او حياة يقول...

استاذ بطوط انا اول مرة ادخل مدونتك او بالاصح المدونتين ويمكن اعجبني اكتر المدونة دي ..
والحقيقة انا هقول حاجة وقفة في زوري ..انا عجبني جدا اسلوب سردك لاي موضوع بأنك بستشهد بالامثلة والاحاديث ...ارجو ان تتقبلني متابعة ..وياريت متهملش المدونة دي عشان عايزين نشوف مواضيع جديدة :)

" يـ ألوناتك ! " يقول...

السلام عليكم

الاهم بقا .. انه مرات بنبقا عارفين الصح او قلبنا حاسس فين الصح بس مش جاي على هوانا :)

في حديث او آية ما بدي اخربط بس معناه
" اجتنوا الشبهات "
يعني حاجة فيها شبهة الافضل الواحد يبعد عنها وخلاص )