بعد بسم الله
طريقتين الناس بتتعامل بيهم مع موجه الغلاء والفقر الى بتشهدها مصر حالياوالسؤال الى بيطرح نفسه تفتكروا انى طريقه هى الصح؟؟!! من خلال رؤيتى الشخصيه شفت الناس منقسمين لطريقتين فى التعبير عن موجه الغلاء دى وفى الكلام مع الناس ومع نفسهم حتى
الطريقه الاولى
بعض الناس تقعد تتكلم عن اثر الذنوب وان كل الى احنا فيه ده بسبب الذنوب ويقعودا يتكلموا عن فضل الاستغفار
عندنا مثلا خطبه الجمعه الى فاتت كانت عن تفسير الاياتاعوذ بالله من الشيطان الرجيم { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا ** يُرْسِلِ السَّمَاءَ عَلَيْكُمْ مِدْرَارًا ** وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ** مَا لَكُمْ لَا تَرْجُونَ لِلَّهِ وَقَارًا}
واخذ الخطيب يتكلم عن ان كل ما نحن فيه من فقر وغلاء انما بكسب ايدينا والله يعفو عن كثير ولو رجعنا الى الله لفتح علينا بركات من السماء والارضثم نقل ما قاله ابن القيم ـ رحمه الله ـ في كتابه مفتاح السعادة (
ما نصّه :
( وتأمل حكمته تعالى في أن جعل ملوك العباد وأمراءهم وولاتهم من جنس أعمالهم بل كأن أعمالهم ظهرت في صور ولاتهم وملوكهم، فإن استقاموا استقامت ملوكهم وإن عدلوا عدلت عليهم وإن جاروا جارت ملوكهم وولاتهم وإن ظهر فيهم المكر والخديعة فولاتهم كذلك ، وإن منعوا حقوق الله لديهم وبخلوا بها منعت ملوكهم وولاتهم مالهم عندهم من الحق وبخلوا بها عليهم ، وإن أخذوا ممن يستضعفونه ما لا يستحقونه في معاملتهم أخذت منهم الملوك ما لا يستحقونه وضربت عليهم المكوس والوظائف وكل ما يستخرجونه من الضعيف يستخرجه الملوك منهم بالقوة ، فعمالهم ظهرت في صور أعمالهم ،وليس في الحكمة الإلهية أن يولى على الأشرار الفجار إلا من يكون من جنسهم ولما كان الصدر الأول خيار القرون وأبرها كانت ولاتهم كذلك ، فلما شابوا شيبت لهم الولاة فحكمة الله تأبى أن يولى علينا في مثل هذه الأزمان مثل معاوية وعمر بن عبد العزيز فضلاً عن مثل أبى بكر وعمر ،بل ولاتنا على قدرنا وولاة من قبلنا على قدرهم وكلا الأمرين موجب الحكمة ومقتضاها ) ا.هـ
ثم اخذ يتكلم - بعكس منهج احدهم - ان الصدقه فى وقت الشده والفقر اعظم اجرا منها فى غيرها والله يجزى المتصدقين
والمنهج الثانى
اننا نفضل نقول الكلام ده
الحكومه ظالمه ويجب ردعها ثم هى لما تغلى السولار كده بتغلى اسعار كل حاجه يعنى الخضار والفاكهه والبقاله والمواصلات كل ده سعره هيزيد لان كل ده مرتبط بسعر السولار
وبعدين تغلى الاسعار هنا وتدعمها لاسرائيل هى حكومه مين فينا
والله مفيش حل للحكومه بنت ****** دى غير اننا نعمل اى حاجه
نضرب
نولع فيها
نفضحها
المهم نعمل اى حاجه اصلها بتستهبل بجد
شوف سعر البترول وترخيص العربيات يعنى ايه الحاجت تتضعاف 45% يعنى الى هنخده 30% هندفعه 45% طب بلاها علاوه وبلاها زياده
----------------------------------------------------------------ممكن يكون عندك منهج تالت او منهج يجمع بين الاتنين اوك قول ولا يهمك بس خلى كلامك واضح ومفصل
وتفتكر الاحسن نقول للناس ونقول لنفسنا ايه؟؟؟!!
نقول العيب فينا وربنا سلطهم عليهم بذنوبنا
ولا نقول هم ولا ستين ******** وربنا ع الظالم والمفترى ولازم
ناخد حقنا منهم باى طريقه
هناك ١٩ تعليقًا:
سبحان الله
انهارده كنا بنتكلم فى نفس الموضوع
وان كان دا من غضب الله علينا
ولا دا من حكومتنا
يلا ربنا يستر
ربنا معاك يمان
يا لهوى يا بطوط ..ما انت كنت قاعد بتذاكر و كلنا كنا بندعيلك ربنا يفتح مخك كده فى المذاكره و تفتكر كل اللى تذاكره!!! مناهج ايه اللى انت بتتكلم عنها ...مافيش غبير منهج واحد لازمن تذاكره كويس و تخلصه علشان تنجح...و تبقى دكتور أسنان قد الدنيا و نفتخر بيك و ساعتها حنشوف حتعالجنا ببلاش و لا حتاخد مننا فلوس ....ركز فى مذاكرتك انا قاعده بدعيلك بالقوىىىىىىىىىىىىىى ضرسى واجعنى اوىىىىىىىىىى
محدش بيدفع تمن ذنوب حد
بنت المسلمين
وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ
عن أم سلمة زوج النبي صلى الله عليه وسلم قالت: سمعت رسول الله صلى الله عليه وسلم يقول: "إذا ظهرت المعاصي في أمتي، عَمَّهم الله بعذاب من عنده" . فقلت: يا رسول الله، أما فيهم أناس صالحون؟ قال: "بلى"، قالت: فكيف يصنع أولئك؟ قال: "يصيبهم ما أصاب الناس، ثم يصيرون إلى مغفرة من الله ورضوان"
سواء كان النموذج الاول والتانى فالافضل اننا نلزم الاستغفار مش عشان الاسعار بس عشان نقرب من ربنا وده هيكون ليه تأثير ايجابى على حياتنا كلها اصل الكلام عن الحكومه مش جايب همه مش بيقدم ولا بيأخر فالافضل نتجه للحلول العمليه... احاول اكون انا_ وانا بس مش اى حد تانى_ مواطن صالح فى مجالى يعنى احاول اكون انا التغيير اللى نفسى يتحقق لى البلد وفى نفس الوقت اتكيف مع الظروف
طبعا ده رأيى مش شرط يكون صح او مثالى بس ده على اد تفكيرى
الدطتور اللى بتدرب عنده قاللى انبارج جمله حلوه اوى
قال : ربنا وزع الارزاق محدش عجبه رزقه ووزع العقول كل واحد عجبه عقله بس
روز
ماشى فاهمة كلامك
بس محدش بيشيل ذنب حد و هو مالوش ذنب
و لو فكرت فيها و خصوووصا بعد ردك هتلاقى ان مسئوليات الفرد متشابكة
و متشعبة
و هتلاقى ان محدش بيشيل ذنب حد و هو مالوش ذنب خالص
و افتكر
" واذا اردنا ان نهلك قرية امرنا مترفيها ففسقوا فيها فحق عليها القول فدمرناها تدميرا "
هيه الامتحانات بتعمل كده فى الناس
انت عارف لو الحكومه اكتشفت الاثر ده للمتحانات هاتلغيها
و بعدين يا سيدى انجح انت و ابقى غلى الفيزيتا علينا
ربنا يوفقك و ينجحك يا بطوط
انا مدون جديد
دى اول زيارة ليا
مدونتك حلوة اوى ودمها شربات
عز الدين
سلااااااااام
كتبت احد موضوعاتى وسوف ترى افكارى
تحياتى
عز
سلاااااااام
بطوط حبوب
غيابك سايب فراغ جامد فحت .. كمان وحشتنا تدويناتك المتفائلة .. ربنا يوفقك فى الامتحانات وتحقق كل ما تتمناه .. فى انتظار عودة قوية لك
في رايي من السببين
تحياني
مبروك على رجوعك يا عموناانا كمان رجعت
__________________________________
ميفوتكش البوست الجديد (فال الله ولا فالك)
__________________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية
اولا حل الموضوع ده سهل جدا و بسيط جدا
لو فهمنا ان الاسلام دين شامل و ليس دين مجزأ سنستطيع فهم الموضوع
فالاسلام يؤمرنا بالمعروف و ينهانا عن المنكر و في نفس ذات الوقت يؤمرنا بمحاربه الفساد و عدم السكوت عن الظلم
لذلك انت عندما قسمت الموضوع علي قسمين قسمته علي اصناف الناس
الصنف الاول يقولك يا عم خلينا في حالي دي ذنوبنا اللي عملت فينا كده
و هو بالطبع يتكلم حقا و لكنه نسي البقيه
و الصنف الاخر يقول يجب ان نحارب الفساد و هو نفسه غارق في الذنوب
صدقني يا صديقي انا لدي اصدقاء كثيرين من الليبراليين و اعرف بعض من اعمده اضراب 6 ابريل و هم صادقين في مقاومتهم للظلم و لكنهم يشربون السجائر و اخلاقهم ليست بجيدة
هذه هي مشكلتنا و هي عدم الفهم الكلي
اسف جدا لللاطالة
يشرفني جدا أن أجدك زائرا على صفحة مدونتي وتترك تعليق أو حتى توقيع فأنا أود كسبك قارئا لمدونتي ..
تحيتي وأنتظر الزيارة واعتبر هذه دعوة
مدونتي هنا
http://kanyatklam.blogspot.com/
هنروح فى داهيه يا بطوط وهيشمعولك المدونة بلاش يا عم الكلام الجامد ده
والله انا شايفه الحلين صح
لتنين مع بعض
يعنى ما نقعدش نستغفر ونسيبهم ياكلوا البلد
ربنا قال اعقلها وتوكل
الدمايطه دعوا ربنا
ومع الدعاء احتجوا ووقفوا قدام
استكمال تنفيز مصنع اجريوم
وربنا وفقهم الحمد لله
انا مش مع اتجاه والتانى لا
بس انا مع الاتجاهين مع بعض الدينى
والعملى
بوست جمييل
احييك
strong article
انا رأيى الصراحة ان ماينفعش اى حد يلوم التانى على اللى احنا بقينا فيه
احنا اصلا مجرد ما اى حد فينا بيمسك اى نوع من انواع السلطة ان شاء الله حتى يكون صاحب كشك لبان بيطلع عين اللى تحت ايده او اللى عايزين منه خدمة
انا رأيى ان الواحد مكتوبله رزقه..و ان كل حاجة الواحد بيعملها بتتردله
فعلا
راقني الفكر يا فندم
بس بيتهيألي الاتنين مع بعض
يعني هي الحكومة دي جاية منين؟؟
الضابط أو أمين الشرطة اللي واقف في المرور وبيظلمك
ماهو يا أخوية يا عمي يابن عمي يا بن خالتي
صحيح الكبار مش من قرايبي خااالص بس لو دورت بردو هتلاقي صلة قرابة في الآخر
يعني هما جابوا حكومة "ظالمة" استيراد
ما كلهم ابناء الشعب بردو
إذن الحكومة الظالمة
ما هي إلا جزء من الشعب
الذي تربى إنه إذا مسك سلطة بأي شكل عليه أن يكون "ظالم"
انظر حضرتك لأي حد في الشعب عنده سلطة على أي حد تاني
يعني سواق الميكروباس انظر لأسلوب معاملته مع الركاب حيث "السلطة" في يده مين ينزل ومين يقعد ومين ما يرضاش يركبه
ومين يزعق فيه
أي وظيفة
فهي فعلا ربما ربنا بيسلط علينا الظلم من ذنوبنا
إرسال تعليق